અદભૂત્ વનસ્પતિ વાંસ

* વાંસ વનસ્પતિશાસ્ત્રની દ્રષ્ટિએ એક પ્રકારનું ઘાસ છે. તેની ૨૦૦ જાત જોવા મળે છે.
* યોગ્ય હવામાન અને વાતાવરણ હોય તો વાંસ એક કલાકમાં દોઢથી બે ઇંચ વધે છે.
* વાંસ વાતાવરણમાંથી બીજી વનસ્પતિ કરતાં ચાર ગણો કાર્બન ડાયોક્સાઇડ લઇને ૩૫ ટકા વધુ ઓક્સિજન છૂટો કરે છે.
* વાંસ ઘાસ હોવા છતાંય લાકડા જેટલો જ મજબૂત છે.
* સૂકા વાંસ ઉપર ભેજની સૌથી ઓછી અસર થાય છે. એટલે વહાણ અને તરાપામાં બનાવવામાં ઉપયોગી છે.
* પૃથ્વી પર ૬૦૦૦ જાતનું ઘાસ ઊગે છે. વાંસ એ સૌથી ઊંચું ઘાસ છે.
* વાંસ પોલી નળી જેવો હોવાથી વચ્ચે હવા રહેલ હોય છે. તેના કારણે વધુ વજન  ઊંચકી શકે છે.
* ચીન અને જાપાનમાં વાંસ પુષ્કળ થાય છે. વાંસની કૂણી કૂંપળો ત્યાં શાકની જેમ ખાવામાં વપરાય છે.
* વાંસ ઇમારતોમાં ઉપયોગી થવા ઉપરાંત ટોપલીથી માંડી ફર્નિચર બનાવવામાં ઉપયોગી છે.
* વાંસના મૂળ સમાંતર એકબીજા સાથે જોડાયેલા હોય છે.
* કાગળ બનાવવા માટે  વાંસનો સૌથી વધુ ઉપયોગ થાય  છે.
* થોમસ આલ્વા એડિસને શોધેલા પ્રથમ વીજળીના ગોળામાં ફિલામેન્ટ તરીકે વાંસના રેસાનો જ ઉપયોગ કર્યો હતો.