Thursday, February 27, 2014

સાબુના પાણીના બબલનું વિજ્ઞાન

સાબુનું પાણી હલાવીએ તો ખૂબ જ ફીણ વળે છે. ફીણ એટલે હવા ભરેલા ઝીણા ઝીણા બબલ્સ, ક્યારેક મોટા પરપોટા પણ જોવા મળે. સાબુના પાણીમાં ભૂંગળીની મદદથી બબલ ઉડાડવાની રમત પણ જાણીતી છે. હવામાં ઊડતા સાબુના બબલ્સ જોવાની મઝા પડે. તેની પર સૂર્યપ્રકાશ પડે તો રંગબેરંગી દેખાય. પાણીના પાતળા આવરણના બનેલા  આ બબલની દીવાલ ત્રણ પડની બનેલી હોય છે. સાબુના મોલક્યુલ કે રેલુયો એવી ખાસિયાત ધરાવે છે કે તેનું માથું હમેશા પાણી તરફ રહે. સાબુના આ સુક્ષ્મ કણો એક જ તરફ ગોઠવાઈને કતારબંધ દીવાલ બનાવે છે. વચ્ચે હવા ભરાય છે. હવા ચારે તરફ સરખું દબાણ કરે એટલે ગોળાકાર બબલ બને. તમે ધ્યાનથી જોશો તો હવામાં ઊડતાં બેઉ બબલ નજીક આવે તો ૧૨૦ અંશના ખૂણે એકબીજા સાથે ચોંટીને ઊડયા કરે. વાતાવરણની ગરમીથી બબલનું પાણી બાષ્પીભવન થઈ જાય એટલે બબલ ફૂટી જાય.

No comments:

Post a Comment